Jyl basynan zeınetaqy 1,7 trln teńgeden astam somaǵa tólendi
NUR-SULTAN. QazAqparat - Osy jyldyń 7 aıynda qazaqstandyqtarǵa 1,7 trln teńgeden astam somaǵa zeınetaqy tólendi. QazAqparat bul týraly QR Eńbek jáne halyqty áleýmettik qorǵaý mınıstrligine silteme jasap habarlaıdy.
«2022 jylǵy shildede respýblıkalyq bıýdjetten zeınetaqy tólemderine – 243,3 mlrd teńge, onyń ishinde bazalyq zeınetaqyny tóleýge – 73,9 mlrd teńge, yntymaqty zeınetaqyny tóleýge 169,4 mlrd teńge bólindi», - delingen vedomstvo málimetinde.
2022 jylǵy 1 tamyzdaǵy jaǵdaı boıynsha eldegi zeınetkerler sany – 2 mln 247 myń adam. Al zeınetaqy tólemderiniń ortasha mólsheri (bazalyq zeınetaqy tólemin eskere otyryp) 109 156 teńge boldy.
