Jyl basynan Ulttyq qorǵa túsimder 4,5 paıyzǵa artty
«Aqpanda jalpy halyqaralyq rezervter 87,5 mlrd dollarǵa deıin 161 mln dollarǵa ósti. Onyń ishinde altyn-valıýta rezervteri altyn baǵasynyń ósýine baılanysty 33,5 mlrd dollarǵa deıin 132 mln dollarǵa ulǵaıdy. Ulttyq qordyń aktıvteri aqpanda 53,9 mlrd dollar boldy. Aqpan aıynda bıýdjetke transfertter bólýdi qamtamasyz etý úshin 510 mln dollar satyldy», - dedi ol.
Onyń atap ótýinshe, Ulttyq qorǵa jalpy túsimder osy jyldyń basynan bastap 925 mlrd teńge boldy. Bul ótken jyldyń uqsas kórsetkishinen 4,5 ese joǵary.
«Biryńǵaı jınaqtaýshy zeınetaqy qorynyń zeınetaqy aktıvteri jyl basynan bastap 533,5 mlrd teńgege nemese 4,1 paıyzǵa ulǵaıyp, 13,6 trln teńgeni qurady. Osy jyldyń basynan bastap eseptelgen ınvestıtsııalyq kiristiń mólsheri shamamen 534,2 mlrd teńgeni qurap otyr. Osy jyldyń 2 aıynyń qorytyndysy boıynsha ınflıatsııa 1,5 paıyz bolsa, kiristilik 4, al naqty kiristilik 2,5 paıyz boldy», - dedi Ǵalymjan Pirmatov.