Jyl basynan teńge 0,5 paıyzǵa álsiredi
ASTANA. QazAqparat - Aǵymdaǵy jyldyń basynan beri teńge 0,5 paıyzǵa álsiredi. Bul týraly búgin Ortalyq kommýnıkatsııalar qyzmetindegi brıfıngte QR Ulttyq banki tóraǵasy Danııar Aqyshev aıtty, dep habarlaıdy QazAqparat.
2017 jylǵy tamyz-qyrkúıekte valıýta naryǵy devalvatsııalyq kútýlerdiń ósýi jaǵdaıynda qubylmaly boldy. Alaıda, Ulttyq banktiń operatsııalaryna baılanysty ahýal turaqtandy. Jyl basynan teńgeniń álsireýi 0,5 paıyz boldy. Ulttyq bank ınterventsııasynyń shetel valıýtasyn satý nysanyndaǵy kólemi qyrkúıekte 69,7 mln dollardy qurady», - dedi Ulttyq bank tóraǵasy.
Onyń aıtýynsha, qyrkúıekte halyq netto negizde 264,5 mlrd teńgege teń sommaǵa qolma-qol shetel valıýtasyn satyp aldy. Shyǵystardyń 71 paıyzy nemese 188 mlrd teńgsie qolma-qol AQSh dollaryn satyp alýǵa jumsalǵan.
«Qyrkúıektegi qolma-qol AQSh dollaryn satyp alýdyń qysqarýy demalystar kezeńiniń aıaqtalýymen baılanysty jáne halyqtyń devalvatsııalyq kútýleriniń turaqtalýyna áser etti», - dedi ol.
