Jyl basynan qurylystaǵy krandardyń 5 apaty tirkeldi
«Qazirgi ýaqytta respýblıkanyń ártúrli aımaqtaryndaǵy qurylys alańdarynda qurylys-montaj jumystary júrgizilýde. Qurylys qurylymdaryn montajdaý jáne tehnologııalyq júkterdi jyljytý jumystary 1092 munaraly júk kótergish krandy paıdalaný arqyly atqarylady. Bul mehanızmderdi iske qosý kezeńinen bastap qaýipsiz jumys isteýine memlekettik qadaǵalaýdy ónerkásiptik qaýipsizdik salasyndaǵy ýákiletti organnyń aýmaqtyq bólimsheleriniń mamandary júzege asyrady», - delingen QR IIDM habarlamasynda.
Memleket basshysynyń 2020 jylǵy 15 naýryzdaǵy «Qazaqstan Respýblıkasynda tótenshe jaǵdaı engizý týraly» Jarlyǵyn oryndaý maqsatynda tótenshe jaǵdaı kezinde aýmaqtyq bólimsheler memlekettik qadaǵalaý ádisterin qaıta qarady, ıaǵnı jumys ýaqytsha qashyqtan atqarylady.
«Bıyldyń basynan qurylys alańdarynda krandardy paıdalaný kezinde ónerkásiptik qaýipsizdik talaptaryn saqtamaý saldarynan birneshe apat oryn aldy. 2020 jylǵy birinshi toqsanda 5 apat bolyp, onyń saldarynan adamdar qaıtys boldy», - dep atalyp ótken vedomstvo málimetinde.
Osyǵan baılanysty aýmaqtyq bólimsheler qurylys uıymdarymen tıisti aldyn-alý jumystaryn júrgizýde. Olarǵa oryndalýǵa tıisti ónerkásiptik qaýipsizdik talaptarynyń saqtalýy týraly aqparattyq hattar jiberilip jatyr.Bul sharalar apatqa jol bermeý baǵytynda qaýipsizdik jumystaryn júzege asyrýǵa negizdelip otyr.
