Jyl basynan kedendik organdarǵa 554 jas maman qabyldandy
QR Qarjy mınıstrligi Kedendik baqylaý komıtetiniń baspasóz málimdemesinde atap ótilgendeı, keden qyzmetiniń basshylyǵy shtatty qalyptastyrýdyń jańa ádisterin qoldana bastady. Olardyń biri taıaýda ǵana ilki rejimde iske qosylǵan «Vakansııa» servısi bolyp tabylady. Servıs kedendik organdarǵa jumysqa ornalasýdy qalaıtyn keń aýqymdy ınternet-paıdalanýshylardyń kóńilinen shyǵyp ta úlgerdi.
Máselen, Qazaqstan Respýblıkasynyń kez kelgen azamaty (Internet-resýrsty paıdalanýshy) Kedendik baqylaý komıtetiniń resmı portaly www.e.customs.kz arqyly kedendik organdarǵa qyzmetke ornalasý úshin irikteýge qatysýǵa ótinimin jibere alady.
«Vakansııa» jańa servısi kedendik organdar qyzmetine qabyldaý protsedýrasyn anaǵurlym ashyq etýge múmkindik beredi jáne kadr qyzmetiniń túınemeni qabyldaýdan negizsiz bas tartýyn boldyrmaı, olardyń ýaqytyly qaralýyn qamtamasyz etedi.
Portal iske qosylǵaly úsh aıǵa jýyq ýaqyttan beri 109 ótinim kelip tústi, olardyń ishinde 50 kandıdat qazirgi ýaqytta qujattaryn jınaý ústinde jáne tekserýler men medkomıssııadan ótýge joldandy. 15-i áńgimelesýge shaqyryldy, 34-iniń ótiniminen biliktilik talaptaryna sáıkes kelmeýine (salalyq joǵary bilimniń bolmaýyna, eńbek ótiliniń bolmaýyna jáne t.b.) baılanysty bas tartyldy, 5-ýinen salalyq qyzmeti boıynsha bos orynnyń bolmaýyna baılanysty - bas tartyldy.
Osylaısha, ilki jobanyń qysqa jumys ýaqyty ishinde aýmaqtyq kedendik organdar basshylarynyń buıryǵymen kedendik organdarǵa qyzmetke 5 online-kandıdat qabyldandy.
Budan bólek, Kedendik baqylaý komıteti joǵary oqý oryndaryn «Kedendik is» mamandyǵy boıynsha bitirip shyqqan túlektermen belsendi jumystar júrgizýde.
