Jyl basynan Qazaqstanda 18 esirtki uıasy joıyldy
ASTANA. QazAqparat - 2014 jyldyń birinshi jarty jyldyǵynda Qazaqstanda 18 esirtki uıasy joıyldy, dep habarlady QR ІІM Esirtki bıznesine qarsy kúres jáne esirtki aınalymyn baqylaý komıtetiniń baspasóz qyzmetinen.
Vedomstvo aqparatynsha, kórsetilgen merzimde esirtkige qatysty 1894 qylmys anyqtaldy. Onyń 1139-i esirtki satý boıynsha. Zańsyz aınalymnan 10,3 tonna túrli esirtki zaty tárkilendi. Onyń ishinde 91,6 keli geroın da bar. Zańsyz esirtki aınalymy salasynda 28 qylmys jasaǵan 5 uıymdasqan top joıyldy. Esirtki zatynan túsken 16 mıllıon 750 myń teńge kólemindegi tabysty zańdastyrýdyń 13 faktisi qujatqa túsirildi. Esirtki kontrabandasynyń 61 faktisi anyqtaldy. Nátıjesinde memlekettik shekaradan 31,8 kg geroındy ótkizýdiń jooly kesildi.
Sondaı-aq, polıtsııa esirtkige qatysty 5887 ákimshilik quqyqbuzýshylyqty anyqtaǵan.
