Jyl basynan Qazaqstan halqy 103 myń adamǵa ósti
ASTANA. QazAqparat - Jyl basynan Qazaqstan halqy 103 myń adamǵa ósti. Bul týraly búgin QR Statıstıka agenttiginiń tóraǵasy Álıhan Smaıylov málim etti.
«2014 jyldyń 1 maýsymynda elimizdegi halyq sany 17 mln. 264 myń adamdy qurady jáne jyl basynan beri 103 myń adamǵa nemese 0,6 paıyzǵa ósti», - dedi Á.Smaıylov.
Agenttik basshysynyń sózine qaraǵanda, 2014 jyldyń qańtar-mamyr aılary aralyǵynda AHAT organdarynda dúnıe esigin ashqan 160 myń sábı tirkelgen. Bul ótken jyldyń sáıkes kezeńimen salystyrǵanda 0,6 paıyzǵa kóp. "O sy kezeń aralyǵynda qaıtys bolǵandar sany 55,8 myń adam. Bul 2013 jyldyń qańtar-mamyrymen salystyrǵanda 7,2 paıyzǵa az", - dedi Agenttik tóraǵasy.
