Jyl basynan ishimdik saldarynan 3772 qylmys jasaldy - QR ІІM
ASTANA. QazAqparat - Jyl basynan ishimdik saldarynan 3772 qylmys jasaldy. Bul jaıynda QR ІІM Memlekettik til jáne aqparat departamentiniń dırektory Almas Sadýbaev óziniń Feısbýktegi paraqshasynda jazdy, dep habarlaıdy QazAqparat.
«Aǵymdaǵy jyldyń basynan beri alkogolge mas kúıde 3772 qylmys jasaldy. Qylmystardyń basym bóligin urlyq (1430), buzaqylyq (517), densaýlyqqa qasaqana aýyr zııan keltirý (382), tonaý (333), kisi óltirý (167), zorlaý (138), kólikti urlap ketý (131) jáne bılik ókiline kúsh qoldaný (101) quraıdy», - dedi ol.
Sonymen qatar departament basshysynyń atap ótýinshe, kólikti mas kúıinde basqarǵa 7977 júrgizýshi ustalǵan. Mas júrgizýshiniń kinásinen 103 jol apaty tirkelip, sonyń saldarynan 20 adam mert bolsa, 158 adam túrli deńgeıde jaraqattanǵan.
«Ótken jyldyń sáıkes kezeńimen salystyrǵanda jol-kólik apatynyń sany 2,8, kisi ólimi 4,8 paıyzǵa tómendep, jaraqat alǵandardyń sany 4,6 paıyzǵa artyp otyr», - dedi Sadýbaev.
Onyń dereginshe, alkogolge mas kúıde jasalǵan qylmystardyń basym bóligi Shyǵys Qazaqstan (622), Almaty (447) jáne Qostanaı (431) oblystarynda tirkelgen. Al eń az qylmys Mańǵystaý (45), Atyraý (46) jáne Qyzylorda (88) oblystarynda oryn alǵan.
