Jyl basynan elordaǵa ýaqytsha turýǵa qansha sheteldik keldi

NUR-SULTAN. QazAqparat – Osy jyldyń basynan beri elordaǵa ýaqytsha turýǵa 19 myńnan astam sheteldik azamat keldi. Bul týraly Nur-Sultan qalalyq polıtsııa departamenti Kóshi-qon qyzmeti basqarmasynyń bastyǵy Arman Baımuhambet aıtty, dep habarlaıdy QazAqparat tilshisi.

«Elimizge 30 táýlikten kóp ýaqytqa kelgen sheteldikterge ýaqytsha turýǵa ruqsat rásimdeledi. Jyl basynan beri mundaı 19 myńnan astam ruqsat rásimdeldi», - dedi Arman Baımuhambet.

Onyń atap ótýinshe, elimizge kelgen sheteldikterdi qabyldaýshy tarap, ıaǵnı qonaq úıler, jalǵa beriletin páterler, oqý oryndary, emdelý mekemeleri, jeke tulǵalar úsh kúnniń ishinde ózge eldiń azamatynyń kelgeni týraly kóshi-qon qyzmetine habar berýi tıis. Bul talap buzylǵan jaǵdaıda qabyldaýshy tarap ákimshilik jaýapkershilikke tartylady.

«Eger sheteldik elge kelý merzimin 10 kúnnen astam ýaqytqa buzsa, onda ákimshilik hattama 25 aılyq eseptik kórsetkish mólsherinde aıyppul sheshimimen sotqa jiberiledi nemese Qazaqstan aýmaǵynan shyǵarylady», - dep túsindirdi basqarma basshysy.