Jyl basynan elordada ashyq qudyqtarǵa adamdardyń qulaýynyń eki oqıǵasy tirkeldi
ASTANA. QazAqparat - Bıyl Astanadaǵy ashyq qudyqtarǵa adamdardyń túsip ketýiniń eki jaǵdaıy oryn aldy. Bul týraly búgin Ortalyq kommýnıkatsııalar qyzmetindegi baspasóz máslıhatynda elorda ákimdigi janyndaǵy «ElordaAqparat» JShS medıaholdınginiń dırektory Qaısar Jumabaıuly málim etti, dep habarlaıdy QazAqparat.
«109» qyzmetine únemi ótinimder men shaǵymdar kelip túsedi. Eger 2015 jáne 2016 jyldy salystyratyn bolsaq, shaǵymdar men ótinimder 50 paıyzǵa artty. 2015 jyly 1090 ótinim tússe, al 2016 jyly 2 113-ke jetti. Atap aıtqanda, 2015 jyly adamdardyń qudyqqa túsip ketýi boıynsha 18 oqıǵa tirkelse, byltyr osyndaı 15 jaǵdaı oryn aldy. Jyl basynan beri eki oqıǵa tirkeldi. Sondyqtan da bul másele búgingi tańda da mańyzdy bolyp otyr»,-dedi Qaısar Jumabaıuly.
Esterińizge sala keteıik, Astana ákimi Áset Isekeshev qalada urlanǵan qudyq qaqpaqtaryn satyp alatyn qabyldaý oryndary qyzmetin qadaǵalaý máselesin kótergen bolatyn. Ákimniń sózine qaraǵanda, kún saıyn elordada 10-15 qudyq qaqpaqtary ashyq qalady eken.
Onyń paıymdaýynsha , metall qabyldaıtyn oryndardyń kóbisi urlanǵan zattardy satyp alýǵa beıimdelip alǵan.
