Jyl basynan elordada AITV dertine shaldyqqan 8 sheteldik tirkeldi
ASTANA. QazAqparat - Aǵymdaǵy jyldyń 8 aıynda elordada AITV aýrýyna shaldyqqan 8 sheteldik tirkeldi. Bul týraly QazAqparat tilshisiniń resmı saýalyna oraı Astana qalasy ákimdiginiń «JITS-tyń aldyn alý jáne oǵan qarsy kúres ortalyǵy» MKQK bas dárigeriniń orynbasary Saltanat Mýsına málim etti.
«Qazirgi tańdaǵy áleýmettik mańyzy bar dertterdiń biri - AITV ( adamdaǵy ımýn tapshylyǵy vırýsy). Bul juqpamen aýyratyn adam alǵash Astanada 1997 jyly tirkelgen bolatyn. Sol ýaqyttan búginge deıin údemeli ósimmen alǵanda qalamyzda 1160 jaǵdaı esepke alyndy. Onyń 139-y - shetel azamattary. Bıylǵy jyldyń segiz aıynda ǵana 8 sheteldik azamat jańadan tirkeýge alynyp otyr», - dedi ol.
S.Mýsınanyń sózine qaraǵanda, olar Qazaqstan azamaty bolmaǵandyqtan tegin em qabyldaı almaıdy. Emdelý tek aqyly negizde ǵana júrgiziledi.
«Jalpy, Qazaqstan Respýblıkasynyń erejeleri boıynsha elimizge alty aıdan kóp nemese turǵylyqty turýǵa kelgen sheteldik azamattar ǵana JITS-ke tekserilýge mindetteledi. Sol sebepti, EKSPO kórmesi kezindegi kelip-ketýshiler tek óz qalaýlarymen ǵana JITS-ke tekseriledi. Ortalyq olardy mindetteı almaıdy», - dedi bas dárigerdiń orynbasary.
