Jyl basynan elordada 600-den astam ınternet-alaıaqtyq tirkeldi

NUR-SULTAN. QazAqparat – Áleýmettik jelilerde feık paraqshalar ashyp, brend telefondardy arzan baǵaǵa satamyn dep elorda turǵyndardy aldaǵan 23 jastaǵy jigit ustaldy, dep habarlaıdy QazAqparat.

«Polıtseıler ınternet-alaıaqtyq kúdigimen jergilikti turǵyndy ustady. Ol áleýmettik jelide feık akkaýnttardy quryp, brend telefondardy arzan baǵaǵa jetkizip beretinin jarııalaǵan. Atap aıtqanda, iPhone smartfondarynyń sońǵy nusqalaryn 200 000 teńgege usynǵan, al shyn máninde bul telefondar aıtarlyqtaı qymbat turady. Ol áleýmettik jelilerge telefondardyń sýretterin ornalastyryp otyrǵan. Qalanyń eki turǵyny kúdiktiniń quryǵyna túsip qalǵany belgili boldy», - delingen qalalyq Polıtsııa depatertamentiniń málimetinde.

Anyqtalǵandaı, atalǵan eki adam telefondy jetkizip beremin degen kúdiktiniń elektrondy ámııanyna aqshalaryn aýdaryp úlgergen. Alaıda taýardyń bar nemese joq ekenin teksermegen.

Qazirgi kezde onyń osy tektes basqa qylmystarǵa qatystylyǵy tekserilýde.

«Jyl basynan beri Nur-Sultan qalasy aýmaǵynda 620 ınternet-alaıaqtyq tirkeldi, onyń 80 paıyzy onlaın saýdaǵa qatysty bolyp otyr», - delingen habarlamada.