Jyl basynan elordada 1 257 ákimshilik quqyq buzýshylyq anyqtaldy
ASTANA. 21 qańtar. QazAqparat - 2013 jyldyń basynan beri Astanada 1 257 ákimshilik quqyq buzýshylyq anyqtaldy. Olardyń 224-i usaq buzaqylyqqa jatady.
Bul týraly Astana qalasynyń resmı saıty Іshki ister departamentiniń baspasóz qyzmetine silteme jasap habarlady.
Astana qalasynda abattandyrý erejesin buzý, ınfraqurylym nysandaryn qıratý, otyrǵyzylǵan aǵashtarǵa zııan keltirirý jáne búldirý faktilerin anyqtaý boıynsha is-sharalar ótkizilýde.
ІІD qala ákimdigimen jáne basqa da múddeli memlekettik organdarmen birigip, atalǵan baǵytta birqatar jumystar atqarýda.
Jyl basynan beri 110-nan astam ákimshilik hattamalar toltyryldy.
Іshki ister departamenti qyzmetkerleri buryn jaýapkershilikke tartylǵan tártip buzýshylarǵa qarsy ákimshilik qamaýǵa alýǵa deıingi qatań sharalar qabyldaıtyn bolady. Sondyqtan Astana qalasynyń Іshki ister departamenti qala turǵyndaryn qoǵamdyq oryndarda joǵaryda atalǵan tártipterdi qatań saqtaýǵa shaqyrady.
