Jyl basynan elimizdegi ınflıatsııa 1,8 % qurady
Vedomstvo málimetinshe, aǵymdaǵy jyldyń basynan baǵanyń ósýi jańa jınalǵan kókónisterge - 14,3, kartopqa - 6,9, jańadan jınalǵan jemisterge - 6,8, konservilengen sútke - 3,5, máıekti irimshikke - 2,9, qyshqyl sút ónimderine - 2,8, jańa saýylǵan sútke, kofege - 2,5, sary maıǵa 2,4, súzbege - 2,1, jylqy etine, et ónimderine - 1,9, sıyr etine - 1,7, shujyqtarǵa - 1,5, shoshqa etine - 1,4, salqyndatylǵan sýsyndarǵa - 1,2, jemis jáne kókónis shyryndaryna 1,1 paıyz kóleminde belgilendi. Baǵanyń tómendeýi qaraqumyq jarmasyna - 12,6, jumyrtqaǵa - 1,1, kúrishke, qara shaıǵa - 1, qus etine 0,8 paıyzǵa tirkeldi.
Baǵa ósimi avtomobılderge - 1,9, farmatsevtıkalyq ónimderge - 1,8, jeke qoldanatyn taýarlarǵa - 1,7, turmystyq aspaptarǵa - 1,6, shyny jáne qyshtan jasalǵan ónimderge - 1,4, toqyma buıymdaryna - 1,3, jýǵysh jáne tazalaǵysh quraldarǵa - 1,2, jıhaz jáne úıge qajetti zattarǵa - 1,1, kıim jáne aıaq kıimge, kitaptarǵa 1 paıyz boldy. Benzın - 2,2, ballondaǵy suıytylǵan gaz - 1,7, dızel otyny - 1,3, tas kómir 0,5 paıyzǵa qymbattady.
Baǵa deńgeıi quqyqtyq qyzmetterine, kólik quraldaryn saqtandyrýǵa - 6, mektepke deıingi balalar mekemesiniń qyzmetterine - 3,2, densaýlyq saqtaý - 2,6, shashtarazdar men jeke qyzmet kórsetý oryndary - 2,4, qoǵamdyq tamaqtandyrý qyzmetterine 1 paıyzǵa ósti. Jolaýshylardyń temirjol kóligimen, ishki qalalyq avtobýspen jol júrý aqysy - 3,1, qalaaralyq - 2,6 paıyzǵa qymbattady, al áýe kóligi 8,5 paıyzǵa arzandady.
Turǵyn úı-kommýnaldyq qyzmetter salasynda tarıfter ortalyqtan jylytýǵa, ystyq sýǵa - 3,5, elektr energııasyna - 3,4, qoqys shyǵarýǵa - 3, turǵyn úıdi kútip ustaýǵa - 2,2, taratý jelileri arqyly tasymaldanatyn gazǵa - 1,9, sýyq sýǵa - 0,9, kárizge 0,8 paıyzǵa joǵarylady.
