Jyl basynan elimizde tótenshe oqıǵalar sany 8,9 paıyzǵa artty - Tótenshe jaǵdaılar mınıstri
ASTANA. 5 qazan. QazAqparat - Jyl basynan beri Qazaqstanda tabıǵı jáne tehnogendik sıpattaǵy 12640 tótenshe oqıǵa tirkeldi, bul ótken jyldyń sáıkes kezeńimen salystyrǵanda 8,9 paıyzǵa kóp.
Bul týraly búgin Tótenshe jaǵdaılardyń aldyn alý jáne joıý jónindegi memlekettik komıssııanyń otyrysynda QR Tótenshe jaǵdaılar mınıstri Vladımır Bojko málim etti.
«Sońǵy 6 jyldyń ishinde Qazaqstanda ortasha eseppen jylsaıyn shamamen 20 myń tótenshe oqıǵa oryn alady. Bul rette keı jyldary zardap shekkender sany 9 myń adamnan asyp, qaza tapqandar sany 1700-ge jetedi. Al materıaldyq shyǵyn 11 mlrd. teńgege deıin boldy», - dedi mınıstr.
V.Bojkonyń atap ótýinshe, aǵymdaǵy jyly oryn alǵan tótenshe oqıǵalar sany qurǵaqshylyqtyń ári jazda aýa temperatýrasynyń joǵary bolýy saldarynan arta túsken.
Memlekettik komıssııa otyrysynda maýsymdyq tasqyn men sý tasqynyna, selge, kóshkinge, órtke, jer silkinisine qarsy turý, olardyń zardaptar joıý máseleleri egjeı-tejeıli talqylanýda.
