Jyl basynan beri jergilikti polıtsııa 1 mıllıonnan astam ákimshilik quqyq buzýshylyqty tirkedi
ASTANA. QazAqparat - Bıylǵy tórt aıda jergilikti polıtsııa 1 mıllıonnan astam ákimshilik quqyq buzýshylyqty tirkedi. Bul týraly búgin Májilistegi jergilikti polıtsııa qyzmeti taqyrybyna arnalǵan Úkimet saǵatynda qosymsha baıandama jasaǵan depýtat Nurlan Ábdirov osylaı málim etti.
«Elimizdegi ahýaldyń jaqsarýyna 25 myńnan astam jergilikti polıtsııa qyzmetkerleriniń kún saıynǵy jumysy óte zor áser etedi dep oılaımyn. Árıne, bul - qazaqstandyq tájirıbede jańa engizilgen másele. Bul rette bılikti de, polıtsııa jumysyn da synap jatqandarmen eshkim talasqysy kelip otyrǵan joq. Óıtkeni, bunyń bári halyqtyń kóz aldynda. Eger statıstıkaǵa qarasaq, onda barlyq ashylatyn qylmystardyń ishinde jergilikti polıtsııa jumysynyń úlesine tıetinderi basym. Bul rette aǵymdaǵy jyldyń tórt aıy ishinde jergilikti polıtsııa qyzmetkerleriniń 1 mln. nan astam ákimshilik quqyq buzýshylyqtardy tirkegenin, bunyń jalpy osy baǵyttaǵy qylmystardyń 70 paıyzynan asyp otyrǵanyn alǵa tartsaq ta jetkilikti», - deıdi N. Ábdirov.
Onyń aıtýynsha, jergilikti polıtsııa qyzmetine baǵa berýge áli de erterek. Degenmen, osyndaı statıstıkanyń ózi jergilikti polıtsııa qyzmetin engizýdiń ózekti bolǵanyn bildiredi.
