Jyl basynan beri jalǵan nómir taqqan 266 kólik júrgizýshisi ustaldy - mınıstrlik

NUR-SULTAN. QazAqparat – Osy jyldyń alty aıynda jalǵan nómir taqqan 266 kólik júrgizýshisi ustalǵan. Bul týraly «Qorǵaý» baǵdarlamasynyń qorytyndylaryn jarııalaǵan ІІM baspasóz qyzmeti málim etti, dep habarlaıdy QazAqparat tilshisi.

Mınıstrlik málimetine qaraǵanda, jol erejesin buzǵandardy anyqtaıtyn «Qorǵaý» qosymshasy elimizdiń bes qalasynda iske qosylǵan. Onyń kómegimen Shymkentte erejeni elemegen 1 400 kólik júrgizýshisi anyqtalyp, olarǵa jalpy sommasy 130 mln teńge aıyppul salynǵan.

«Qorǵaý» qosymshasynyń kómegimen jol boıyndaǵy apat pen ólim 3 ese, jaraqat alý jaǵdaılary 2,5 ese azaıdy. Sondaı-aq, baǵdarlama arqyly jalǵan nómir paıdalanǵan 266 kólik júrgizýshisi ustaldy. Jalǵan nómir taǵyp, jol erejesin buzyp, jaýaptan qashatyndar jıiledi», - delingen mınıstrliktiń baspasóz qyzmeti taratqan aqparatta.

Osyǵan baılanysty jaýapty vedomstvo jalǵan nómir taqqandarǵa qatysty jazany kúsheıtpek. Atap aıtqanda, Іshki ister mınıstrligi mundaı áreketke barǵan júrgizýshilerdi bir jylǵa júrgizýshi quqyǵynan aıyryp, bes táýlikke deıin ákimshilik qamaýǵa alýdy usyndy.

Eske sala keteıik, buǵan deıin atalǵan zań jobasyn Parlamenttiń qos palatasy talqylap jatqanyn jazǵan bolatynbyz.