Jyl basynan beri zeınetaqy qoryna qazaqstandyqtardan 81,8 mlrd teńge tústi

ASTANA. QazAqparat – Jyl basynan Biryńǵaı jınaqtaýshy zeınetaqy qorynyń aktıvteri 1 trln teńgege ulǵaıdy, dep habarlaıdy QazAqparat tilshisi.

Úkimet otyrysynda baıandama jasaǵan QR Ulttyq banki tóraǵasynyń orynbasary Vıtalıı Týtýshkın qańtar-sáýir aralyǵynda qorǵa 81,8 mlrd teńge zeınetaqy tólemderi túskenine toqtaldy.

«Biryńǵaı jınaqtaýshy zeınetaqy qorynyń zeınetaqy aktıvteri jyl basynan beri 7,2%-ǵa nemese 1 trln teńgege ulǵaıyp, sáýir aıynyń sońynda 15,7 trln teńgeni qurady. Jyl basynan bastap ınvestıtsııalyq kiris kólemi 482 mlrd teńge, zeınetaqy jarnalary – 664 mlrd teńge, zeınetaqy tólemderi – 81,8 mlrd teńge, merziminen buryn alý somasy shamamen 47 mlrd teńge boldy», - dep alǵashqy toqsannyń esebin usyndy Vıtalıı Týtýshkın.

Onyń aıtýynsha, atalǵan aralyqta Ulttyq Banktiń altyn-valıýta rezervteri 0,5%-ǵa ósip, 58,7 mlrd dollarǵa jetken.