Jyl basynan beri zańsyz ótken 2 myń toı anyqtaldy

NUR-SULTAN. QazAqparat – Jyl basynan beri oıyn-saýyq mekemeleriniń karantın tárbin buzýǵa qatysty 8,5 myńǵa jýyq fakti tirkeldi, onyń 2 myńǵa jýyǵy toı ótkizýge qatysty. Bul týraly QR Іshki ister mınıstriniń orynbasary Arystanǵanı Zapparov aıtyp berdi, dep habarlaıdy QazAqparat tilshisi.

Polıtsııa qyzmetkerleri qoǵamdyq tártipti saqtaý jáne qylmysqa qarsy kúres sııaqty negizgi mindetterinen bólek, ekinshi jyl koronavırýs pandemııasymen kúres sharalarynyń aldyńǵy shebinde júr.

«Búginde Іshki ister mınıstrligi shekteý sharalarynyń saqtalýyn baqylaýda densaýlyq saqtaý organdaryna kómek kórsetýdi jalǵastyrýda. Kólik obektilerinde sanıtarlyq dárigerlerge jolaýshylardy iriktep ótkizýge kómek kórsetiledi. Halyqaralyq áýejaılarda 19 jáne temirjol vokzaldarynda 14 baqylaý pýnkti ornatylǵan. Jyl basynan beri shetelden PTR-anyqtamasyz kelgen 28 myńnan astam azamat karantınge ornalastyryldy», - dedi spıker Ortalyq kommýnıkatsııalar qyzmetinde.

Sonymen birge, monıtorıng toby músheleriniń qaýipsizdigi de qamtamasyz etiledi. Jyl basynan beri olar 144 myń reıd ótkizip, 22 myń karantındi buzý faktisiniń jolyn kesken.

«Oıyn-saýyq mekemeleriniń jumys tárbin buzýǵa qatysty 8,5 myńǵa jýyq fakti tirkeldi, onyń ishinde 2 myńǵa jýyq fakti toı ótkizýge qatysty», - deıdi A. Zapparov.