Jyl basynan beri zańsyz aınalymnan 140 kelideı esirtki tárkilendi - Almaty ІІD
ALMATY. QazAqparat - Almatyda bıylǵy jyldyń basynan beri zańsyz aınalymnan 140 kelideı esirtki tárkilendi. Bul týraly búgin Almaty qalalyq ІІD baspasóz qyzmetinen habarlady.
Barlyǵy zańsyz esirtki aınalymy boıynsha 326 quqyq buzýshylyq áreket anyqtaldy. Olardyń ishinde 99 quqyq buzýshylyq áreket esirtki saýdasyna baılanysty. Zańsyz aınalymnan barlyǵy 139 keli 288 gramm esirtki zattary alyndy. Olardyń ishinde geroın - 12 keli 445 gramm, gashısh - 4 keli 639 gramm jáne basqa da esirtki zattary - 122 keli 201 gramm.
«Almatyda oıyn-saýyq mekemeleri men túngi klýbtarda esirtki jáne psıhotroptyq zattardy taratý jáne qoldaný derekterin anyqtaý maqsatynda 26 reıd ótkizildi. 67 kompıýter klýbynda aldyn alý sharalary uıymdastyryldy. Sonymen qatar, jyl basynan beri joǵary oqý oryndarynda jáne kolledjer men mektepterde esirtkige qarsy 333 aldyn alý sharalary, dárister, áńgimeler, semınarlar, trenıngter, kezdesýler, baıqaýlar ótkizildi. Barlyǵy 249 oqý oryndary qamtyldy», - dedi Almaty qalalyq ІІD esirtki bıznesine qarsy kúres basqarmasy bastyǵynyń mindetin atqarýshy, polıtsııa polkovnıgi Dáýlet Qazkeev.
