Jyl basynan beri uıymdasqan qylmystyq top qurý men oǵan basshylyq jasaýǵa qatysty 11 qylmystyq is qozǵaldy
ASTANA. Sáýirdiń 26-sy. QazAqparat /Qanat Mámetqazyuly/ - Jyl basynan beri uıymdasqan qylmystyq top qurý men oǵan basshylyq jasaýǵa qatysty 11, qaraqshylyqqa qatysty 4 qylmystyq is qozǵaldy. Bul týraly búgin Parlament Májilisiniń kóshpeli Úkimet saǵatynda «Qazaqstan Respýblıkasyndaǵy qoǵamdyq tártip pen qaýipsizdikti saqtaýdyń jaı-kúıi týraly»
taqyrypta baıandama jasaǵan QR Іshki ister mınıstri Serik Baımaǵanbetov osylaı málim etti, dep habarlaıdy QazAqparat.
«Qylmystyq jaýapkershilikke 16 qylmys áleminiń bedeldileri, 14 basshylary jáne 8 uıymdasqan qylmystyq toptyń qatysýshylary tartyldy. Bundaı qylmyskerlerdi quryqtaý, tekserý barysynda úlken kólemde qarý-jaraq pen esirtkiler tárkilendi», dedi mınıstr.
