Jyl basynan beri Ulttyq mýzeıge 180 myń adam, sonyń ishinde 18 myń sheteldik azamat kelgen
ASTANA QazAqparat - 2015 jyldyń toǵyz aıynda Ulttyq mýzeıge 180 myńnan asa adam kelse, onyń on segiz myńy shet elden kelgen kórermender bolǵan. Bul týraly búgin "Ǵasyrlar qoınaýynan syr shertken Qazaqstan" jobasynyń aıasynda Batys Qazaqstan oblystyq tarıhı-ólketaný mýzeıiniń "Tarıhy tereń Aq Jaıyq" atty kórmesin asha otyryp, mýzeı dırektory Darhan Myńbaı məlim etti.
Aıta keteıik, buǵan deıin Ulttyq mýzeıde Qaraǵandy, Pavlodar, Atyraý oblystarynyń mýzeıleri óz kórmelerin ótkizgen.
"Mýzeıimizdiń ýaqytsha kórme zaly kez kelgen óńirdiń mýzeıi úshin qýana esik ashady. Zal bir óńir úshin eki aı ýaqytqa beriledi. Astana turǵyndarynyń, elorda qonaqtarynyń barlyǵy birdeı ózge óńirge bara bermeıdi. Mynandaı kórmelerden keıin sol ólkeni tanýǵa, kórmedegi eksponattardy odan əri zertteýge ynta tanytatyn edi. Mysaly, qazir jastar shet elge kóp shyǵady. Biraq, meniń oıymsha shet elge shyqpastan buryn, Qazaqstannyń túpkir-túpkirin tanyp, qadirin bilse, qazaq ekeni úshin maqtanar edi. Toǵyz aıdyń ishinde Ulttyq mýzeıge 180 myńnan asa adam kelse, onyń 18 myńy sheteldik azamat boldy",-deıdi D.Myńbaı.
