Jyl basynan beri tótenshe jaǵdaı aýmaǵynan 3,4 myń adam qutqaryldy - TJM

ASTANA. QazAqparat – Jyl basynan beri túrli tótenshe jaǵdaılar bolǵan aýmaqtardan 3,4 myń adam qutqarylyp, 4,3 myń qazaqstandyq evakýatsııalandy, dep habarlaıdy QazAqparat tilshisi.

«2023 jyldyń úsh aıynda bolǵan tabıǵı «112» biryńǵaı kezekshilik-dıspetcherlik qyzmeti pýltine halyqtan 1 587 843 qońyraý kelip tústi. Osylarǵa saı, órt sóndirý jáne avarııalyq-qutqarý jumystary qyzmetiniń bólimsheleri jáne Respýblıkalyq jedel-qutqarý jasaǵy 3 454 (onyń ishinde Túrkııada - 7) adamdy qutqardy, 4 338 adamdy evakýatsııalady, 44 zardap shekken adamǵa alǵashqy medıtsınalyq kómek kórsetti. Tótenshe jaǵdaı oryndarynan 303 (onyń ishinde Túrkııada – 88) adamnyń denesin shyǵardy. 12 514 qońyraý boıynsha qutqarýshylar oqıǵa ornyna bardy. Sonyń ishinde 2 493 - órt, 3 893 - avarııalyq-qutqarý jumystary, 4 531 - órt retinde esepke alynbaıtyn janý, 71 - kórineý jalǵan shaqyrtý, 757 - rastalmaǵan janý faktileri, 769 – basqa da oqıǵalar», - delingen vedomtsovnyń resmı saıtynda jarııalanǵan esepte.

Al, «Qazavıaqutqarý» jasaǵynyń áýe kemeleri izdeý-qutqarý, órt sóndirý jáne jeke quramdy jetkizý tapsyrmalary boıynsha 508 ret kókke kóterilgen. Onyń ishinde sanıtarııalyq avıatsııa jelisi negizinde 82 patsıentti tasymaldaǵan.

Buǵan deıin habarlanǵanyndaı, bıyl óndiristik jáne turmystyq órtten 120 adam kóz jumdy.Al, qaýipsizdik erejesin saqtamaǵan 4 kásiporynnyń jumysy toqtatyldy.