Jyl basynan beri tirkelgen 30 eńbek daýynyń 28-i Mańǵystaý oblysynda bolǵan

NUR-SULTAN. QazAqparat – Jyldyń 9 aıynda elimiz boıynsha tirkelgen 30 eńbek daýynyń 28-i Mańǵystaý oblysynda bolǵan. Ortalyq kommýnıkatsııalar qyzmetinde ótken brıfıngide QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev osyndaı derek keltirdi, dep habarlaıdy QazAqparat tilshisi.

«Eńbek daýlaryna keletin bolsaq, bıylǵy 9 aıdyń qorytyndysy boıynsha, elimizde 30 osyndaı shıelenis boldy. Biz bul jerde kásiporyn jumysy 3 saǵattan artyq toqtap turǵan oqıǵalardy esepke alamyz. Sonyń 28-i Mańǵystaý oblysynda boldy. Ózderińiz bilesizder, qazir Mańǵystaý oblysyndaǵy jaǵdaı ońaı emes. Bul jóninde Prezıdent tapsyrma bergen. Bul jerde ahýaldy túgel zertteý úshin arnaıy ortalyq qurylyp otyr. Ol ortalyqqa bizdiń mamandar da kirdi. Qazir tıisti jumysty isteýge kiristi», - dedi Erbol Nurǵalıev.

Atalmysh brıfıngide QR Bas memlekettik eńbek ınspektory Tólegen Ospanqulov jumys berýshiler vaktsına almaǵandardy jumystan ótemaqysyz shettete alatynyn aıtty.

«Eńbek kodeksiniń talaptary boıynsha búgingi tańda jumys berýshiler respýblıkanyń nemese óńirdiń bas sanıtar dárigeriniń qaýlysy negizge ala otyryp, vaktsına almaǵan jáne PTR testiden ótpegen jumysshylardy eńbekke aralastyrmaýy kerek. COVID-19-ben aýyrǵan adamdy jumysqa jibermeý kerektigi týraly tikeleı norma bolmaǵanymen, Eńbek kodeksiniń 48-babynyń 1-bóliginde zańnamalyq jáne memlekettik organdar shyǵarǵan aktiler negizinde eńbekten shekteýge jol beriletini aıtylǵan. ıAǵnı, Densaýlyq týraly kodeks boıynsha Bas sanıtar dárigerdiń qaýlysyn oryndaý mindetti. Sondyqtan qazirgi tańda jumys berýshiler vaktsına almaǵan jumysshylardy eńbekten shekteýge quqyly. Tipti jumystan shettetilgen ýaqytta aılyq tólemeı de shekteı alady. Biraq ekijaqty kelisim bolsa, aılyqtyń 50 paıyzyn nemese eń tómengi ebekaqy mólsherin tóleı alady. Biraq eki jaqtyń da kelisimi bolǵanda ǵana osylaı bolýy múmkin», - dedi Tólegen Ospanqulov.