Jyl basynan beri temirjol arqyly eksport kólemi 6 paıyzǵa ósti

NUR-SULTAN. QazAqparat - Bıylǵy birinshi toqsanda «Qazaqstan Temirjoly» kompanııasy jelisimen júkterdi eksportqa tasymaldaý 22,9 mln tonnaǵa jetti, dep habarlaıdy QazAqparat.

Vedomstvonyń málimetine qaraǵanda, bul ótken jyldyń deńgeıimen salystyrǵanda 6 %-ǵa kóp. Júk tasymaldarynyń jalpy kóleminde eksport 3 5 %-dan asady.

«Eksport segmentinde tas kómir basty orynǵa ıe. 2022 jyldyń birinshi toqsanynda 8,9 mln tonna qatty otyn shetelge jóneltilse, bul ótken jyldyń sáıkes kezeńimen salystyrǵanda 26 %-ǵa joǵary. Astyq eksporty – 30 %, ıaǵnı 2,2 mln tonnaǵa deıin ósti», - dep jazdy «QTJ» baspasóz qyzmeti.

Temirjol arqyly eksportqa jóneltiletin munaı ónimderiniń kólemi – 1,1 mln tonnany, qara metaldar – 1,2 mln tonnany, temir keni 3 mln tonnany qurady.

«Qazaqstandyq ónimniń iri ımporttaýshylary – Reseı, Qytaı jáne Ortalyq Azııa elderi. Atap aıtqanda, qazaqstandyq kómir Reseıge, Ózbekstanǵa, Úndistanǵa, Grýzııaǵa, Shveıtsarııaǵa, Polshaǵa, Kıprge, Túrkııaǵa jáne basqa da elderge jetkiziledi. Al astyq Ózbekstan, Iran, Aýǵanstan, QHR, Tájikstan, Túrkııa, Belgııa, Italııa, Ulybrıtanııa jáne t.b. memleketterge eksporttalady», - delingen habarlamada.