Jyl basynan beri taýly aımaqtardan 75 adam qutqaryldy - TJM
Qazaqstannyń geografııalyq tartymdylyǵyna qaraı, jergilikti turǵyndar men shetel azamattary arasynda taýly týrıstik marshrýttar erekshe tanymal. Alaıda, TJM TJ joıý departamentiniń bastyǵy Qaharman Orazalınniń aıtýynsha, marshrýttar adam densaýlyǵy men ómirine qaýip tóndiredi, ásirese bul mundaı joryqtarǵa daıyn emes saıahatshylarǵa qatysty.
Jyl basynan beri Qazaqstan Respýblıkasy TJM qutqarý bólimsheleri keri qaıtý baǵytyn óz betinshe anyqtaı almaǵan 80-ge jýyq azamatty izdestirý-qutqarý jumystaryn júrgizgen. Bul rette 75 adam tabyldy jáne qutqaryldy, onyń ishinde 5 bala, 4 adamnyń denesi túsirildi.
El aýmaǵyndaǵy taýlarda týrısterdiń qaýipsizdigin qamtamasyz etý úshin taý marshrýttarynyń shalǵaı toraptyq ýchaskelerinde týrıster túneı alatyn, aýa raıynyń qolaısyzdyǵy kezinde jylynatyn jáne alǵashqy kómektiń avarııalyq jıyntyǵyn (dári qobdıshasy, mobıldi qurylǵylardy zarıadtaý stantsııasy, jyly kórpe jáne buzylmaıtyn azyq-túlik jıyntyǵy) ala alatyn taý úıshikterin salý praktıkasy bar. Úıshikterde Qutqarý qyzmetiniń «112» pýltine SOS spýtnıktik sıgnalyn berýge arnalǵan dabyl túımelerimen jabdyqtalǵan radıorelelik dińgekter ornatylǵan. Sondaı-aq, dińgekter Wi-Fi taratý fýnktsııasymen jabdyqtalǵan.
Sonymen qatar, taýly jerlerde arnaıy baqylaý-qutqarý pýnkteri qurylady. Onda izdestirý-qutqarý jumystaryna kelý ýaqytyn edáýir qysqartýǵa múmkindik bere otyryp, oqıǵa ornyna shyǵýdy qamtamasyz etetin qutqarýshylardyń táýlik boıy kezekshiligi júzege asyrylady.
Іzdeý jumystaryna shuǵyl den qoıýdyń ajyramas bóligi – ushqyshsyz ushý apparaty túrindegi zamanaýı avıatsııalyq tehnologııalar. Qutqarý bólimsheleri bul apparattardy joǵalǵan týrısterdi izdeýge júıeli túrde paıdalanady.
Qazaqstan TJM týrıster men týrıstik toptardyń aldaǵy júrip-turý baǵyttary týraly aýmaqtyq TJD-ni mindetti túrde habardar etý tártibiniń zańnamalyq normalaryn engizbek.
Aıta ketsek, Kalınıngradta Qazaqstan, Belarýs Reseı tótenshe jaǵdaı mınıstrlikteriniń birlesken alqasynda «HHІ ǵasyrdyń tsıfrlyq seısmologııasy» baǵdarlamasy tanystyryldy.
