Jyl basynan beri tamaqtan jappaı ýlanýdan 360 adam zardap shekti

ASTANA. QazAqparat – Bıyl jyl basynan beri jappaı tamaqtan ýlanýdyń 17 oqıǵasy tirkeldi. Bul týraly Densaýlyq saqtaý vıtse-mınıstri – Bas memlekettik sanıtarııalyq dáriger Aıjan Esmaǵambetova aıtty, dep habarlaıdy QazAqparat tilshisi.

«Osy jyldyń 7 aıynda jappaı tamaqtan ýlanýdyń 17 oqıǵasy tirkeldi. Onyń saldarynan 363 adam zardap shegip, sonyń arasynda 140 bala bar. Tamaqtan ýlaný jaǵdaıy byltyrǵy sáıkes kezeńmen salystyrǵanda 1,5 ese tómen (2022jylǵy 7 aıynda - 26 oqıǵa). 11 jaǵdaıda ýlanýdyń sebepteri qoǵamdyq tamaqtaný obektilerimen, 3 oqıǵada balalar uıymdarymen, al 3 fakt fast-fýd jetkizý salasymen baılanysty bolǵan. Zardap shekkenderdiń 70 paıyzynda dıagnoz zerthanalyq túrde rastalǵan», - dedi A. Esmaǵambetova Ortalyq kommýnıkatsııalar qyzmetindegi baspasóz máslıhatynda.

Bul turǵyda vıtse-mınıstr atalǵan faktiler boıynsha tıisti tekserý júrgizilgenin aıtty.

Aıta keteıik, Aıjan Esmaǵambetova bıyl elimizde qandaı aýrýlar tirkelmegenin aıtty.