Jyl basynan beri syrtqy saýda taýar aınalymy 19,7 mlrd dollarǵa jetti
NUR-SULTAN. QazAqparat – 2021 jyldyń 1-toqsanynda syrtqy saýda taýar aınalymy 19,7 mlrd dollarǵa jetti. Bul týraly QR Ulttyq ekonomıka mınıstri Áset Erǵalıev aıtty, dep habarlaıdy QazAqparat tilshisi.
«2021 jyldyń qańtar-naýryz aılarynda syrtqy saýda taýar aınalymy 19,7 mlrd dollarǵa jetti. Onyń ishinde eksport 11,5 mlrd dollardy qurady», - dedi Ulttyq ekonomıka mınıstri Úkimet otyrysynda.
Osy oraıda mınıstr shıkizat emes taýarlar eksporty 15 paıyzǵa ósip, 4 mlrd dollarǵa deıin jetkenin atap ótti.
«Taýarlar ımporty 8,2 mlrd dollardy qurady. Oń saýda balansy 3,3 mlrd dollardan asyp tústi», - dedi Áset Erǵalıev.
