Jyl basynan beri SQO-ǵa 109 mlrd teńgeden astam ınvestıtsııa tartyldy

ASTANA. QazAqparat – Jyl bastalǵaly SQO ekonomıkasyna 109 mlrd teńgeden astam ınvestıtsııa tartyldy. Bul týraly oblys ákimi Aıdarbek Saparov málim etti, dep habarlaıdy QazAqparat tilshisi.

«Jalpy, bıyl oblysqa 496,5 mlrd teńge ınvestıtsııa tartýdy josparlap otyrmyz. Ekonomıkanyń negizgi salalarynda jobalardyń pýldary jasaldy. 2019 jyldan beri «Qyzyljar» arnaıy ekonomıkalyq aımaǵy jumys istep keledi. Osy ýaqytqa deıin 11 qatysýshy tirkeldi», - dedi Aıdarbek Saparov ortalyq kommýnıkatsııalar qyzmeti alańynda ótken baspasóz máslıhatynda.

Odan bólek, óńir basshysy halyqty aýyz sýmen qamtý máselesin kóterdi.

«Aýyz sýmen qamtýǵa bólinetin soma – 18 mlrd teńge. Jalpy, oblys halqynyń 93%-ǵa jýyǵy taza aýyz sýmen qamtamasyz etilgen. Onyń 86%-y – aýyl turǵyndary. Qalǵan 14%-y – 37,6 myń adam turatyn eldimekender. Olardy sýmen qamtamasyz etý úshin 2026 jylǵa deıin eseptelgen kezeńdik jospar ázirlendi. Adam sany az aýyldarǵa taza aýyz sý jetkizý úshin blok-modýlder ornatamyz», - dedi ákim.

Buǵan deıin habarlaǵanymyzdaı, bıyl SQO-da 330 myń gektarǵa jýyq jer memleketke qaıtarylady.