Jyl basynan beri Shyǵys Qazaqstandaǵy saýda nysandarynda 15 órt boldy
ÓSKEMEN. QazAqparat – Shyǵys Qazaqstanda oblysynda keshe saǵat, 17 saǵat 01 mınýtta Óskemen qalasynyń Moldaǵulova kóshesindegi jeke ǵımaratqa bekitilgen azyq-túlik dúkeninen órt shyqty, dep habarlaıy QazAqparat ShQO Tótenshe jaǵdaılar departamentiniń baspasóz qyzmetine silteme jasap.
Qutqarýshylar kelgen ýaqytta oqıǵa bolǵan jerde makýlatýra, aǵash eden qurylymdary, shatyrlar jáne ǵımarattyń qabyrǵalarynyń ishi órtendi. Órt sóndirýshiler birneshe mınýttyń ishinde 6 sharshy metr aýmaqtaǵy órtti sóndirdi. Órt kishkentaı baynyń otpen aınaýynan týyndaǵan.
24 mamyrda saǵat 05-te Áýezov dańǵylyndaǵy azyq-túlik dúkeniniń saýda alańynda tońazytqysh vıtrınasy qysqa tuıyqtalyp, oqıǵa ornynda qutqarýshylar tútindi joıý jumystaryn júrgizdi.
2021 jyldyń basynan bastap Shyǵys Qazaqstandaǵy saýda nysandarynda 15 órt boldy.
ShQO TJD kásipkerlerge órttiń aldyn alý úshin qaýipsizdik erejelerin qatań saqtaýdy usynady.
«Avtomatty órt sıgnalızatsııasyn jumys jaǵdaıynda saqtańyz. Alǵashqy órt sóndirý jabdyqtary bolýyn qadaǵalańyz. Qyzmetkerler órt kezinde áreket ete alýy jáne órt qaýipsizdigi boıynsha nusqaýlyqty ýaqytynda tapsyrýy kerek. Órt bolǵan jaǵdaıda dereý 101 jáne 112 nómirlerine habarlasyńyz»,-delingen ShQO TJD baspasóz qyzmetiniń málimetinde.
