Jyl basynan beri sheteldikterge 4,6 mln. teńgege aıyppul salyndy - QR ІІM
ASTANA. QazAqparat - QR ІІM Kóliktegi ІІD qyzmetkerleri aǵymdaǵy jyldyń úsh aıynda elimizdiń kóshi-qon zańnamalaryn buzǵan 475 azamatty ákimshilik jaýapkershilikke tartty. Bul týraly Kóliktegi ІІD baspasóz qyzmeti habarlady.
Vedomstvonyń málimeti boıynsha, jyl basynan beri Qazaqstan Respýblıkasy kóshi-qon zańnamasyn buzǵany úshin - 10 qylmystyq is qozǵaldy, onyń ishinde: QR Qylmystyq kodeksiniń 330-baby (QR Memlekettik shekarasyn qasaqana zańsyz ótý) boıynsha -7, QR Qylmystyq kodeksiniń 330-1 baby (El aýmaǵynan tysqary shyǵarý týraly sot sheshimin oryndamaý) boıynsha - 2, QR Qylmystyq kodeksiniń 330-2 baby (Zańsyz kóshi-qondy uıymdastyrý) boıynsha -1 is tirkelgen.
Esepti kezeń ishinde kóshi-qon polıtsııasy qyzmetkerleri izdestirýde júrgen 5 qylmyskerdi ustady. Sondaı-aq kóshi-qon zańnamasyn buzǵany úshin 475 azamat ákimshilik jaýapkershilikke tartylǵan, onyn ishinde 422-i TMD elderinen, 53-i alys shetelderden. Buǵan qosa, QR kóshi-qon zańnamasymen baılanysty emes ár-túrli quqyq buzýshylyq úshin 600 sheteldikke qatysty ákimshilik jaza qoldanyldy.
Sot qaýlylarymen Qazaqstan Respýblıkasynyń aýmaǵynan tys jerlerge TMD-nyń 9 azamaty shyǵaryldy jáne 6 sheteldik ákimshilik qamaýǵa alynǵan.
Departamenttiń kóshi-qon polıtsııasy 3 aı ishinde kóshi-qon zańnamasyn buzǵan sheteldikterge jalpy somasy 4 mln. 667 myń teńge ákimshilik aıyppul saldy.
