Jyl basynan beri sheteldik otbasylar Qazaqstannan on bala asyrap alǵan
ASTANA. QazAqparat - 2016 jyldyń basynan beri shet eldik otbasylar Qazaqstannan on bala asyrap alǵan. Búgin halyq aldynda esep bergen QR Syrtqy ister mınıstri Erlan Ydyrysov osyndaı derekti málim etti.
Al, byltyr Qazaqstannan 35 bala shet el asqan eken. ıAǵnı, eki jylda 45 búldirshin ózge eldiń azamaty atanyp ketken.
«Táýelsizdik alǵannan beri sheteldikter elimizden 9 myńdaı balany asyrap aldy. 2011 jylǵa deıin balalardyń kópshiligin, ıaǵnı 6 myńnan astam balany AQSh azamattary asyrap aldy. Sondaı-aq, Eýropa elderi, atap aıtqanda Irlandııa, Frantsııa, Ulybrıtanııa, Germanııa azamattary qazastannan kóp balany panasyna aldy», - dedi E.Ydyrysov suraqqa jaýap bere otyryp.
Syrtqy ister mınıstri habarlaǵandaı, Qazaqstan qazir bala asyraýmen aınalysatyn agenttikterdi tirkep, tekserip jatyr.
«2011 jyly bizdiń konsýldar men dıplomattar Qazaqstannan ketken balalar týraly aqparatqa qol jetkize almady, sondyqtan, AQSh azamattary úshin qazaq balalaryn asyrap alýǵa tyıym saldyq. Qazirgi ýaqytta bizdiń balalardyń taǵdyry, olardyń ómir súrý jaǵdaıy týraly tolyqqandy aqparat alý úshin jumys istep jatyrmyz. Sondaı-aq, búginde bala asyrap berýmen shuǵyldanatyn sheteldik agenttikterdi tirkep jatyrmyz. Bul protsess - ashyq. Osy jumystyń basty maqsaty deldaldardyń qyzmetin shekteý boldy. Jalpy, balalardy asyrap alý jumysy birneshe qaǵıdaǵa negizdeledi. Birinshi kezekte, balalardyń múddesi eskerilýi kerek. Ekinshiden, ata-analardyń múddesi saqtalady. Shetelge bala bermes buryn, biz búldirshin asyrap alǵysy keletin qazaq otbasylaryn izdeımiz. Tek osydan keıin ǵana, ıaǵnı barlyq múmkindikter qaralǵannan keıin sheteldikterdi qarastyramyz. Bul - qoǵamdyq rezonans týdyrǵan másele...»,-dedi E.Ydyrysov.
