Jyl basynan beri shaǵyn kólemdi sý kemelerine qatysty 117 zań buzýshylyqtar anyqtaldy - Kóliktik baqylaý komıteti
ALMATY. 11 shilde. QazAqparat /Erlik Erjanuly/ - Qazaqstanda jyl basynan beri júrgizilgen tekserýler kezinde anyqtalǵan olqylyqtardy túzetkenshe 87 shaǵyn kólemdi sý kemeleriniń qoldanylýyna tyıym salyndy.
Bul týraly Kóliktik baqylaý komıtetiniń sý kóligindegi baqylaý basqarmasynyń bas sarapshysy Arlan Zakarıanov búgin Almatyda ótken baspasóz máslıhatynda aıtty.
"Jyl basynan beri Qazaqstanda shaǵyn kólemdi kemelerge qatysty 9 kólik oqıǵasy tirkeldi. Onda 9 adam qaıtys bolyp, 1 adam habar-osharsyz joǵaldy. Olar negizinen balyq aýlaý barysynda oryn aldy", - dedi Arlan Zakarıanov. Onyń aıtýynsha, kólik apatynyń basty sebebi negizinen adam faktory bolyp otyr. Ol keme júrgizýshilerdiń kólikti paıdalanýdaǵy qaýipsizdik erejelerine baılanysty normatıvtik-quqyqtyq aktilerdi bilmeýinen jáne kemeni mas kúıinde júrgizýden týyndaıdy. Qazir quzyrly organdar árbir oqıǵa boıynsha tekserý júrgizip, onyń sebep-saldarlaryn anyqtaýǵa barlyq kúsh-jigerin jumyldyrýda.
