Jyl basynan beri shaǵyn bızneske qatysty tekserýler kóbeıgen

Bıyl mıkro jáne shaǵyn kásipkerlik sýbektilerine qatysty memlekettik organdar júrgizgen tekserýler sany artty. Bul málimetti QazAqparat tilshisine Bas prokýratýranyń quqyqtyq statıstıka jáne arnaıy esepke alý komıteti usyndy.

«Bıyl 6 aıda memlekettik baqylaý jáne qadaǵalaý organdary 25 503 tekserý júrgizgen. Bul ótken jyldyń uqsas kezeńimen salystyrǵanda 49,4%-ǵa az (2022 jyly - 50 419 tekserý). Onyń ishinde jospardan tys tekserister sany - 21 845», - delingen komıtet usynǵan derekte.

Jyl basynan beri mıkro, shaǵyn jáne iri kásipkerlikke qatysty júrgizilgen tekserýler sany artqan. Naqty toqtalsaq:

• mıkro bıznes - 3 574 tekserý (2022 jyly – 2 207 tekserý);

• shaǵyn bıznes - 7 788 tekserý (2022 jyly – 4 428 tekserý);

• orta bıznes - 2 590 tekserý (2022 jyly – 5 783 tekserý);

• iri bıznes - 2 487 tekserý (2022 jyly – 5 610 tekserý).

«Eń kóp tirkelgen tekserýler Almaty qalasynda - 3 718, Astana qalasynda - 1 923, Shyǵys Qazaqstanda - 1 695, Qaraǵandy oblysynda - 1 607, Qostanaı – 1 578 jáne Aqmola oblysynda (1 491 tekserý) tirkeldi. Eń az tekserister Ulytaý (261), Jetisý (621) jáne Atyraý (680) oblystarynda júrgizildi», - dedi komıtetten tilshi saýalyna oraı.

Eske salaıyq, byltyr Prezıdent Jarlyǵymen shaǵyn kásipkerlik sýbektilerin tekserýge qatysty moratorıı 2024 jylǵa deıin uzartylǵan edi.