Jyl basynan beri respýblıkada oryn alǵan 7108 jol-kólik oqıǵasynda 1653 adam kóz jumdy - Jol polıtsııasy komıteti
STANA. Qyrkúıektiń 20-sy. QazAqparat /Gúlmıra Álıakparova/ - Aǵymdaǵy jyldyń basynan beri respýblıka joldarynda 7108 jol-kólik oqıǵasy (JKO) tirkeldi. Olarda 1653 adam qaza taýyp, 8262 adam túrli dárejedegi jaraqattar aldy.
QR Іshki ister mınıstrligi Jol polıtsııasy komıtetinen málim etkendeı, ótken jyldyń sáıkes kezeńinde 7571 jol oqıǵasy tirkeldi. Joldaǵy oqıǵalardyń sany 5,4 paıyzǵa, adamdardyń ólimi - 3,6 jáne jaraqat alǵandar - 6,9 paıyzǵa azaıdy.
Balalardyń qatysýymen bolǵan 1173 jol-kólik oqıǵasynda 129 bala ajal qushty, 1152-si túrli jaraqattar aldy. 2009 jyldyń atalmysh kezeńindegi kórsetkishterge qaraǵanda bıyl JKO 5,9 paıyzǵa, jaraqattanǵandar - 7,5 paıyzǵa azaıǵan bolsa, oqıǵa saldarynan mert bolǵan balalardyń sany 8,4 paıyzǵa kerisinshe artty.
Sonymen birge, atalmysh ýaqyt aralyǵynda respýblıka joldarynda 1 347 558 jolda júrý erejelerin buzý faktisi anyqtaldy. Onyń ishinde mas kúıinde rólge otyrǵan 46 997 júrgizýshi ustaldy.
Sottyń úkimimen 35 549 adam júrgizý kýálikterinen aıyryldy, 6 428-i ákimshilik jýapkershilikke tartyldy.
Jiti baqylaý iri megapolıster - Astana men Almaty qalalarynda ornatyldy. Munda 368 012 buzýshylyq anyqtaldy, onyń ishinde 8 796-sy alkogoldi ishimdikti paıdalanǵannan keıin rýlge otyrǵan.
