Jyl basynan beri respýblıka sottaryna pedofılııamen baılanysty 87 is kelip tústi - Joǵarǵy sot
TANA. 27 qazan. QazAqparat /Aıdar Ospanalıev/ - «Jyl basynan beri respýblıka sottaryna pedofılııamen baılanysty 87 is kelip tústi. Nátıjesinde 36 qylmysker jazasyn aldy», - dedi búgin Joǵarǵy sottyń resmı ókili Oksana Peters jýrnalıstermen bolǵan brıfıngte.
Resmı ókildiń sózine qaraǵanda, pedofılııamen baılanysty isterdiń biri elordamyzda oryn aldy. Qylmystyq ispen baılanysty materıaldar boıynsha, 19 jastaǵy Vıtalıı Sh. atty azamat jyl basynda Astanaǵa jumys izdep kelip, týystarynyń úıine toqtaıdy. Birshama ýaqyt jumys izdep, tappaǵan ol aqyrynda óziniń aǵasynyń 8 jasar balasyn baǵýǵa kelisedi. Al aqpan aıynda ol aǵasy men jeńgesiniń úıinde joqtyǵyn paıdalanyp, 8 jasar balany zorlaıdy.
«Sot barysynda keltirilgen saraptama materıaldary jábirlenýshiniń densaýlyǵyna nuqsan kelgendigin rastaıdy. Sot sonymen qatar qylmyskerdiń 8 jasar balanyń kómek suraı almaıtyndyǵyn jáne oǵan qarsy jasalyp jatqan árekettiń mán-maǵynasyn túsinbeıtindigin paıdalanǵandyǵyn atap ótti. Osy oqıǵa boıynsha júrgizilgen sot úderisi barysynda dálelder zerttelip, kýágerler men sottalýshynyń dáıekteri saraptalyp, Vıtalıı Sh. nápsiqumarlyq sıpatta kúsh qoldandy degen aıyppen 15 jylǵa bas bostandyǵynan aıyryldy», -dedi resmı ókil.
