Jyl basynan beri PTR-testten ótpegen 3200 jolaýshy karantınge jatqyzyldy - Turǵymbaev
NUR-SULTAN. QazAqparat – Іshki ister mınıstri Erlan Turǵymbaev mobıldi toptar karantın sharalaryn buzý jaǵdaılaryn anyqtap jatqanyn málim etti, dep habarlaıdy QazAqparat tilshisi.
«Jyl basynan beri kólikke qatysty nysandardan PTR-testi bolmaǵan 3200 azamat karantınge jatqyzyldy. Kúnine PTR-testi bolmaǵan 150-ge tarta adam karantınge ornalastyrylýda. Karantın sharalarynyń saqtalýyn qadaǵalaý maqsatynda monıtorıng toptary jumys júrgizýde. Jyl basynan beri olar 9 myńǵa tarta reıd sharasyn ótkizip, 773 zańbuzýshylyqty anyqtady. Osy zańbuzýshylyqtardyń ishinde 77 paıyzy aıtarlyqtaı zańbuzýshylyqqa (maska taqpaý, áleýmettik qashyqtyqty saqtamaý, sanıtaızerlerdiń bolmaýy) jatpaıdy. Óreskel zańbuzýshylyq jaǵdaıdyń 175 jaǵdaıy tirkeldi. Atap aıtqanda, 152 zańbuzýshylyq túngi klýbtar, saýda ortalyqtary, meıramhanalaryń ákimshileri tarapynan jasalǵan», - dedi Erlan Turǵymbaev Úkimet otyrysynda.
Onyń aıtýynsha mobıldi toptar óńirlerdiń ishinde ásirese Túrkistan oblysynda zańbuzýshylyqtardyń jıirek tirkelip jatqanyn anyqtaǵan.
«Joǵaryda atalǵan zańbuzýshylyqtardyń 60 paıyzy (450-i) Túrkistan oblysynda tirkelýde», - dedi ol.
