Jyl basynan beri prokýrorlar 150 myń eńbekshiniń konstıtýtsııalyq quqyqtaryn qorǵady
ASTANA. Tamyzdyń 12-si. QazAqparat /Aıdar Ospanalıev/ - Jyl basynan beri prokýratýra organdary azamattardyń eńbek quqyqtaryn qorǵaý baǵytynda 1 myńnan astam usynys pen zańbuzýshylyqtardy joıý jóninde 450 uıǵarym engizgen.
Sondaı-aq taǵy 700-den astam túsindirý jumystaryn júrgizgen. Bul málimetter búgin jýrnalıstermen bolǵan brıfıng barysynda aıtyldy.
Resmı ókil Nurdáýlet Súıindikovtyń derekterine qaraǵanda, aılyq jalaqyny ýaqytynda tólemeýge baılanysty 21 qylmystyq is qozǵalyp, 2 myńǵa jýyq laýazymdy tulǵa ákimshilik jaýapqa tartylǵan. Prokýrorlyq aktilerdiń negizinde 6,5 mıllıard teńgeniń qaryzy ótelip, 150 myń eńbekshiniń konstıtýtsııalyq quqyqtary saqtaldy.
