Jyl basynan beri poıyzdar 2400-den astam ret jedel túrde toqtatylǵan
NUR-SULTAN. QazAqparat - Bıylǵy jyl basynan beri elimizde poıyzdardyń 2400-den astam jedel tejelý faktisi tirkeldi, dep habarlaıdy QR ІІM Kóliktegi polıtsııa departamentiniń baspasóz qyzmeti.
Baspasóz qyzmeti tartaqan málimetterge qaraǵanda, jyl basynan beri elimizde poıyzdardyń 2429-y shuǵyl toqtaýy qajet bolǵan. Temirjol tóseminiń belgilenbegen jerlerinen kesip ótken 1011 adam ákimshilik jaýapqa tartyldy, onyń ishinde adamdardyń bolý sebebinen - 622, janýarlarǵa baılanysty - 1704, avtokólikterge baılanysty-23, toqtatý kranyn julyp alý boıynsha - 80.
Máselen, Petropavlsk stantsııasynda júk poezynyń mashınısti adamdy qaǵyp ketpeý úshin shuǵyl tejegishti qoldandy. Nátıjesinde, oqys oqıǵanyń aldy alyndy.
Tekserý barysynda, kólik polıtsııasy qyzmetkerleri Petropavl qalasynyń 50 jastaǵy turǵynyn ustady. Atalǵan azamat QR ÁQBtK-niń 559-babynyń 5-bóliginde kózdelgen quqyq buzýshylyqty jasaǵany úshin kináli dep tanylyp, oǵan 7575 teńge kóleminde 3 AEK kóleminde aıyppul salyndy.
Aǵymdaǵy jyldyń basynan beri Departament boıynsha 2429 shuǵyl tejeý faktisi tirkelip, 1011 adam ákimshilik jaýapqa tartyldy.
Kóliktegi polıtsııa departamentiniń baspasóz hatshysy Lázzat Qasymjanova «Jazataıym oqıǵalardyń aldyn alý, jolyn kesý maqsatynda kólik polıtsııasy qyzmetkerleri halyqqa temir jol nysandaryndaǵy tártip erejelerin túsindirip, túrli aldyn alý sharalaryn ótkizip turady» - dep, atap ótti.
Onyń aıtýynsha «Temir jol – qaýipi joǵary aımaq!» taqyryby aıasynda 3160 birlesken aldyn alý is-sharalary júrgizilgen. Onyń ishinde halyqpen jıyn- 712, jolaýshylar poezdaryndaǵy kezdesý-945.
