Jyl basynan beri Pavlodar oblysynda iz-túzsiz ketken 45 adam tabyldy
PAVLODAR. QazAqparat - Mundaı nátıjege eriktiler men quqyq qorǵaý organdarynyń birlesken kúsh-jigeriniń arqasynda qol jetkizildi, dep habarlaıdy QazAqparat pavlodarnews.kz portalyna silteme jasap.
Oblystyq polıtsııa departamenti baspasóz qyzmetiniń málimdeýinshe, ishki ister mınıstri Erlan Turǵumbaevtyń bastamasymen qoǵamdyq zańdylyq pen tártipti qorǵaýǵa, azamattardyń izdestirý is-sharalaryna kómek kórsetýge, sondaı-aq quqyq buzýshylyqtyń aldyn alýǵa qoǵam ókilderi men eriktiler toby tartylady.
Pavlodar qalasy polıtsııa bóliminiń qyzmetkerleri eriktilermen birlese otyryp, turaqty túrde is-sharalardy júrgizedi jáne bul óte jaqsy nátıjeler beredi. Qazirgi ýaqytta Pavlodar oblysynyń tártip saqshylary 10 eriktiler tobymen tıimdi jumys júrgizýde. Bıyl eriktiler izdestirý is-sharalaryn ótkizýge kómek kórsetýmen qatar, karantın sharalaryn túsindirýdi de qoldady.
- Búgin biz oblysymyzdyń eriktilerimen birge páterlerdi aralap ótip, Ertis ózeniniń alqabyn kúzetip jatyrmyz. Azamattarmen zańnyń sanıtarlyq-epıdemıologııalyq talaptaryn saqtaý týraly túsindirme áńgime júrgizemiz. Ol barlyq jumystar polıtsııa departamentiniń basshylyǵymen, sondaı-aq bizdiń oblystaǵy barlyq eriktiler uıymdarynyń basshylarymen qol qoıylǵan memorandým negizinde júzege asyrylady , - dedi Pavlodar qalasy jergilikti polıtsııa qyzmetiniń bastyǵy, polıtsııa maıory Arman Qaptaev.
Polıtsııa eriktilermen iz-tússiz joǵalǵan azamattardy izdestirý týraly barlyq ótinishter úshin únemi aqparat almasyp turady.
«VITA» erikti izdestirý tobynyń jetekshisi Ekaterına Kýdrıavtsevanyń aıtýynsha, 2016 jyly «Pavlodar qalasynyń izdeýshileri» úkimettik emes uıymdary óńirdiń quqyq qorǵaý organdarymen memorandýmǵa qol qoıǵannan beri jyl saıyn uzartylyp, ózara birlesip jumys atqarylady.
Іz-túzsiz joǵalǵan adamdardy izdestirý úshin krımınaldy polıtsııa, sondaı-aq Pavlodar qalasynyń polıtsııa basqarmasymen birge qala kóshelerin patrýldeý boıynsha jumystar júrgizilýde.
Eriktiler men quqyq qorǵaý organdarynyń birlesken kúsh-jigeriniń arqasynda jyl basynan beri shamamen 45 adam tabylǵan.
Tártip saqshylary men eriktiler qoǵamnyń ıgiligi azamattardy karantın kezinde qaýipsizdik sharalaryn saqtaýǵa, múmkindiginshe úıde bolýǵa jáne ózderin jáne jaqyndaryn qorǵaýǵa shaqyrady.
