Jyl basynan beri Ózbekstanǵa 700 myńnan astam qazaqstandyq týrıst bardy

TAShKENT. QazAqparat – Ózbekstannyń týrızm salasy qalpyna kelip, jyl basynan beri sheteldik saıahatshylar aǵyny 2 eseden astam ósken, dep habarlaıdy QazAqparat menshikti tilshisi.

Ózbekstan Respýblıkasy Memlekettik statıstıka komıtetiniń málimetinshe, bıylǵy jeti aıda elge týrıstik maqsatta 2,4 mln shetel azamaty barǵan. Bul – ótken jylmen salystyrǵanda 2,2 ese kóp.

Sheteldik týrısterdiń úshten biri derlik Qazaqstan azamattary boldy – 716,7 myń adam. Sondaı-aq, týrıstik aǵyn kóshbasshylarynyń úshtigine Ózbekstanmen kórshiles elder: Qyrǵyzstan (675,1 myń týrıst) jáne Tájikstan (637 myń) kirgen.

Reseılik sahatshylar legi – 247,2 myń adam boldy. TMD-dan tys elderden 124 myń týrıst sapar shekken, onyń ishinde Túrkııadan 38,6 myń, Ońtústik Koreıadan 8,4 myń, Germanııadan 8 myń, AQSh-tan 6,3 myń.

Buǵan deıin tek shilde aıynda ǵana Ózbekstanǵa 180 myń qazaqstandyq týrıst barǵany habarlanǵan bolatyn.