Jyl basynan beri Ózbekstanǵa 3 myń IT-maman kelgen
TAShKENT. QazAqparat – Osy jyldyń basynan beri Ózbekstanǵa 3 myń IT-maman keldi. Bul týraly el prezıdenti Shavkat Mırzıeev málimdedi, dep habarlaıdy QazAqparat menshikti tilshisi Ózbekstan basshysynyń baspasóz qyzmetine silteme jasap.
«Ózbekstanǵa bıyl kelgen sheteldik IT-mamandardyń basym bóligi respýblıkada uzaq ýaqyt qalyp, jumys isteýdi josparlap otyr. Sheteldikderdi IT-parkterge tarta otyryp, eki aıdyń ishinde 1000 jas mamannyń biliktiligin arttyrý qajet. Álemdik IT-naryqqa shyǵatyn iri 30 kompanııa qurý kerek», - dedi Sh.Mırzıeev.
Prezıdent sondaı-aq 2022 jyly IT-qyzmetter eksportyn ótken jylǵy $46 mln-nan $100 mln-ǵa deıin jetkizýdi, eldiń alty óńirinde IT-parkterdi tolyqqandy iske qosýdy tapsyrdy. Bul 5 myńǵa jýyq joǵary aqy tólenetin jumys ornyn ashýǵa múmkindik beredi.
Ol búginde ekonomıkany tsıfrlandyrý úshin taǵy 12 myń joǵary bilikti maman qajet ekenin atap ótti. Osyǵan baılanysty Tashkent aqparattyq tehnologııalar ýnıversıtetin ǵylymı-bilim berý klasterine aınaldyrýdy, IT-parktiń zamanaýı ýnıversıtetin qurýdy usyndy.
Eske salaıyq, 1 sáýirden bastap Ózbekstan aqparattyq tehnologııalyq salasynda sheteldik mamandar úshin úsh jyldyq IT vıza engizdi.
