Jyl basynan beri otandyq áýekompanııalar 4,6 mln jolaýshy tasymaldady

NUR-SULTAN. QazAqparat - Bıyl elimizde ótken jylǵa qaraǵanda áýe jolaýshylarynyń sany 9 paıyzǵa artqan. Bul týraly Azamattyq avıatsııa komıteti bergen resmı aqparatta aıtylǵan, dep habarlaıdy QazAqparat tilshisi.

«Bıylǵy 6 aıdyń qorytyndysy boıynsha otandyq avıakompanııalar shamamen 4,6 mln jolaýshy tasymaldady. Bul ótken jylmen salystyrǵanda 9 paıyzǵa artyq (2021 jyly 4,2 mln jolaýshy). Sondaı-aq, qazirgi ýaqytta aptasyna 498 halyqaralyq áýe reısi oryndalady. Ushaqtar 28 elge qatynaıdy. Pandemııaǵa deıin aptasyna 442 halyqaralyq reıs 27 elge qatynap turdy», - degen jaýap berildi QazAqparattyń saýalyna.

Odan bólek, avıatsııa komıteti áýe reısteriniń baǵasyna qatysty túsinikteme berdi.

«Áýe tasymaly salasyn damytýdy yntalandyrý maqsatynda jáne álemdik tájirıbege sáıkes, Qazazqstanda áýe kóligi baǵasyn memlekettik retteý alynyp tastaldy. Osyǵan baılanysty áýekompanııalardyń qyzmet kórsetý baǵasyn komıtet rettemeıdi. Sondaı-aq, áýekompanııalardyń baǵany belgileýi elimizdiń kásipkerlik kodeksine sáıkes monopolııaǵa qarsy retteýge jatady», - deıdi vedomstvodan.

Eske salsaq, keshe QR Indýstrııa jáne ınfraqurylymdyq damý mınıstrligi jolaýshylardy áýe kóligimen tasymaldaý baǵasyna qatysty arnaıy taldaý nátıjesin usynǵan edi.