Jyl basynan beri Ońtústik Qazaqstan oblysy ákiminiń «jedel jeli» telefonyna myńnan astam habarlama tústi

«Olardyń ishinde 839 habarlama tirkeldi. 454 habarlama boıynsha basqarmalar men departamentterdiń basshylary aýyzsha túsindirme berdi», - dedi OQO ákimi apparatynyń qujattyq qamtamasyz etý basqarmasynyń bólim bastyǵy Nurlan Sharafıev.

Eń belsendiler - Shymkent qalasynyń turǵyndary, olardan 785 habarlama tústi. «Habarlamalarda atalǵan aryz-shaǵymdardyń arasynda jańa problemalar joq, olar negizinen turǵyndardy áleýmettik qoldaý, kommýnaldyq qyzmetterdiń sapasy, tarıfterdi retteý taqyryptaryna arnalǵan», - dep atap ótti N.Sharafıev. Onyń aıtýynsha, tirkelgen 839 aryz boıynsha 461-iniń máselesi sheshildi. «habarlamalardyń arasynda tek aryz-shaǵymdar ǵana emes, alǵys aıtýdyń faktileri de kóptep sanalady. Máselen, jýyrda jol men jaıaý júrginshiler soqpaqtaryn jóndegenimiz úshin alǵys aıtyldy», - deıdi N.Sharafıev. Jalpy jyl basynan beri «jedel jeli» telefonyna 79 alǵys habarlama kelip tústi.