Jyl basynan beri mıllıardtaǵan teńgeniń jalǵan kýpıýralary tárkilendi - Memlekettik kirister komıteti
ASTANA. QazAqparat - Qarjy mınıstrligi Memlekettik kirister komıtetiniń málimetine sáıkes, jyl basynan beri tárkilengen 1000, 2000, 5000, jáne 10 000 teńgelik jalǵan kýpıýralardyń jalpy somasy 2,2 mlrd. teńgeni qurady, dep xabarlaıdy QazAqparat tilshisi.
Komıtettiń resmı ókili Murat Jumabaıdyń aıtýynsha, buryn jalǵan bir kýpıýra dúkende, ıa bolmasa basqa jerde anyqtalsa, ony birden tárkilep, aınalymnan shyǵaryp tastaıtyn. Qylmystyq isterdi kóp jaǵdaıda aıaǵyna deıin jetkizgen joq. Sebebi jalǵan aqshany kim jáne qalaı ótkizgenin anyqtaý qıynǵa soqty.
"Qazir bir jalǵan kýpıýra anyqtalǵan jaǵdaıda birden qylmystyq is qozǵalady. Ol úshin ekonomıkalyq tergeý qyzmetinde arnaıy qurylym bar. Sol jerde mamandar árbir kýpıýrany saraptamadan ótkizip, ortaq belgileri boıynsha jalǵan aqshanyń taralǵan jerin anyqtaıdy. Negizgi maqsat - ol aqshanyń tsexyn anyqtaý", - deıdi M.Jumanbaı.
Aıta keteıik, buǵan deıin áleýmettik jeliler men uıaly messendjerler arqyly «Máńgilik el» serııasymen shyqqan jalǵan 1000 teńge kýpıýralary týraly vıdeo taraǵan bolatyn.
Alaıda búgin Ulttyq bank jalǵan aqsha jónindegi vıdeoǵa qatysty túsinikteme berdi.
