Jyl basynan beri memorgandar birde-bir sheteldik kólik satyp almady - Qazavtoóndiris
NUR-SULTAN. QazAqparat - 2019 jyldyń 1 toqsanynda Qazaqstandaǵy memlekettik organdar qyzmettik qajettilik úshin birde-bir sheteldik kólikti satyp almaǵan. Memorgandardyń kólik boıynsha qajettigin otandyq avtoóndirýshiler jaýyp otyr, dep habarlaıdy QazAqparat tilshisi.
«2019 jyldyń birinshi toqsanynda memlekettik mekemeler birde-bir sheteldik kólikterdi satyp almady. Memlekettik satyp alý arqyly tender boıynsha memlekettik organdar kólikterdi qazaqstandyq kásiporyndardan aldy. Bul rette Premer-Mınıstrge, Qarjy mınıstrligi men Májilis depýtattaryna, otandyq óndirýshilerdiń múddesin qorǵap júrgen barlyǵyna alǵys aıtqymyz keledi. Osynyń arqasynda sheteldik kólikterdi satyp alý mólsheri barynsha azaıtylyp, 100 kóliktiń 97-si otandyq kásiporyndardan satyp alynǵan edi. Memlekettik satyp alýlar bul rette dımamıkany saqtap qalýǵa múmkindik bergenin atap ótý kerek», - dedi OKQ-da ótken baspasóz máslıhatynda «Qazavtoóndiris» Qazaqstannyń avtomobıl salasyndaǵy kásiporyndar odaǵy» ZTB dırektorlar keńesiniń tóraǵasy Oleg Alferov.
Onyń aıtýynsha, qazaqstandyq avtoóndirýshiler memlekettik organdardyń qyzmettik kólikteri boıynsha suranysty 100 paıyz japqan.
Atalmysh baspasóz máslıhatynda jergilikti qurastyrylǵan avtokólikter segmentinde basymdyq «AZIıA AVTO» AQ-qa tıesili (jyl basynan beri atalmysh kásiporyn 4 500 kólik satqan) ekenin atap ótti. «SaryarqaAvtoProm» JShS 2 619 kólik ótkizgen. Otandyq avtoóndirýshilerdiń ónimin ótkizý reıtınginde odan ári «SemAZ» JShS (166 kólik), «KAMAZ-Injınırıng» AQ (95 kólik), «Hyundai Trans Auto» JShS (43 kólik) jáne «Daewoo Bus Kazakhstan» JShS (35 kólik) jaıǵasty.
