Jyl basynan beri Mańǵystaý óńirinde 62 balany ıt qaýyp alǵan
Oblystyq densaýlyq saqtaý basqarmasy baspasóz qyzmetiniń habarlaýynsha, aýyl turǵynynyń ıti 12 jasar balanyń aıaǵyn birneshe jerinen tistegen. Jaraqat alǵan balaǵa shuǵyl túrde ota jasalyp, qutyrýǵa qarsy vaktsına salynǵan.
Osy oqıǵadan soń balanyń ata-anasy shuǵyl medıtsınalyq kómekke júgindi. Mańǵystaý oblystyq kópbeıindi balalar aýrýhanasynda ıt qaýyp alǵan naýqasqa barlyq tıisti em-dom jasaldy. Onyń ómirine tónip turǵan qaýip joq.
«Jyl basynan beri ıt qabý deregi boıynsha 62 bala medıtsınalyq kómekke júgingen bolsa, ótken 2019 jyly osyndaı 143 jaǵdaı bolǵan. Mańǵystaý oblystyq shuǵyl medıtsınalyq járdem stantsııasyna osyndaı derekpen Munaıly aýdanynyń Basqudyq jáne Atameken aýyldary, sondaı-aq Túpqaraǵan aýdanynyń Aqshuqyr jáne Saıyn-Shapaǵatov aýyldarynan jıi habarlasady» delingen Mańǵystaý oblystyq densaýlyq saqtaý basqarmasynyń baspasóz qyzmeti taratqan habarlamada.