Jyl basynan beri LRT-ny salýǵa 25 mlrd teńgege jýyq qarajat jumsaldy
ASTANA. QazAqparat – Bıyl «Astana LRT» jobasynyń qurylysyna 52,4 mlrd teńge bólindi. Bul qarajattyń jartysyna jýyǵy ıgerildi, dep habarlaıdy QazAqparat tilshisi.
«Aǵymdaǵy jyly joba qurylysyna 52,4 mlrd teńge bólindi. Qazirgi ýaqytta bólingen qarajattyń 24,8 mlrd teńgesi ıgerildi», - delingen QazAqparat tilshiniń saýalyna berilgen elorda ákimdiginiń jaýabynda.
Quzyrly organ atap ótkendeı, kelisimshart boıynsha jobanyń jalpy quny 1 888 mln dollar.
Sońǵy 12 jyl ishinde bólingen qarajattyń qaıda jumsalǵany týraly suraqqa ákimdik onyń bıýdjettik ınvestıtsııalardyń qarjylyq-ekonomıkalyq negizdemesine sáıkes, LRT jobasyn iske asyrý jónindegi is-sharalarǵa baǵyttalǵanyn habarlady.
Buǵan deıin LRT poıyzdarynyń aıaldamasy qaı jerlerde ornalasatynyn jazyp edik.
Sondaı-aq, LRT poıyzdaryn qandaı zaýyt qurastyratyny belgili boldy.
