Jyl basynan beri lokomatıv brıgadalary soqtyǵysýdy boldyrmaý úshin 700 ret shuǵyl tejegishti iske qosqan
ASTANA. Mamyrdyń 21-i. QazAqparat /Muratbek Maqulbekov/ - «Lokomotıv» AQ-nyń aqparaty boıynsha jyl basynan beri lokomatıv brıgadalary soqtyǵysýdy boldyrmaý úshin jeti júzden asa ret shuǵyl tejegishti iske qosqan.
«Tek 61 oqıǵada ǵana soqtyǵysýdyń aldy alyndy, onyń ishinde 35 oqıǵa adamdarǵa, 10 oqıǵa - malǵa jáne 16 oqıǵa - avtokólikpen qaqtyǵysý boıynsha boldy. Adamdardy soǵyp ketý boıynsha 35 oqıǵanyń 23-i kisi ólimimen, al qalǵandary ártúrli dárejedegi jaraqat alýmen aıaqtalǵan», - dep atalyp ótiledi baspasóz habarlamasynda.
Jol-kólik oqıǵalarynyń kesirinen 4 adam qaza taýyp, al 7 oqıǵada temir joldarǵa qatty zalal keltirilgen. Mal janýarlaryn qaǵyp ketý boıynsha tirkelgen 3 jaǵdaıda da lokomatıvter buzylǵan.
