Jyl basynan beri «Qytaı-Eýropa» marshrýty boıynsha «Alashankoý» beketinen 1900 poıyz ótken

BEIJІŃ. QazAqparat – 2021 jyldyń alǵashqy tórt aıynda 1,9 myńnan astam poıyz «Qytaı-Eýropa» júk tasymaldaý temirjol marshrýty aıasynda «Alashankoý» beketinen (QHR ShUAA) ótken, dep habarlaıdy QazAqparat tilshisi.

QHR keden statıstıkasynyń derekteri boıynsha, osy jyldyń basynan 1918 júk poıyzy «Qytaı-Eýropa» júk tasymaldaý temirjol marshrýty aıasynda «Alashankoý» BÓB-inen ótip, (ótken jyldyń osy kezeńine qaraǵanda 56,7% kóp), 10 mlrd dollar somaǵa taýar tasymaldaǵan (jyldyń esepteý boıynsha 80,5%-dyq ósimmen).

Sáýirde «Alashankoý» BÓB «Qytaı-Eýropa» poıyz qozǵalysy iske qosylǵannan beri osy shekara stansasy arqyly birinshi ret aıyna 500 poıyzdyq kórsetkishten asty.

Qazirgi kezde «Alashankoý» BÓB arqyly 13 eldi qamtıtyn «Qytaı-Eýropa» júk tasymaldaýshy temirjolynyń 22 marshrýty ótedi.